في ناس حلوين

في ناس حلوين جواك .. بالجد حلوين .. بيكونوا ممكن يكونوا أحلي ناس لاقيتهم في الدنيا ... لكن ما بتقدر تستبقيهم ... ما بتقدر تقول ليهم اقعدو طوالي معاي.... مستحيل ... عارف يعني شنو مستحيل ... عندهم ظروفهم .... عندهم شغلهم .... عندهم ملابستهم الما خلتهم يقعدو معاك ...
في ناس بيقولوا ليك .. اكتر زول بتعرف أنت بتريدو كيف جواك ...لما يمشي...
يعني بيكون عذاب فرقتو وعذاب فقدو .. وراك ........ هو كان قدر كم جواك لما مشي ... وأنا عرفت قدر شنو أنت جواي
صعب الكلام ده .... صح .... فكر فيهو تاني

أصعب شي زول يقول ليك ...........أنا ماشي
الفرقة والوداع دايما بذكرني القطار المرا .... وقطار الشوق ..... وانو أنا مسافر
وشيل الحقيبة .... وشكل المناديل ... بداية الفراق .... وقائع حزن... دخول المستشفي... حالة نفسية ..... ده كلو من الفراق

أنا ماشي دي عبارة صعبة خلاص
يعني حتى لو قعدت زول .... حتى لو حنستو .... حتى لو حلفتو ..... حتى لو طيبت خاطروا ..... حتى لو راضيتو ..... حتى لو قلت ليهو عليك الله .... حتى لو حلفتو تاني ...... هو ماشي
ببقي مرات هو ماشي اكبر من أي حاجة تانية بعد احساسو بالمشي
حتى استبقائهو بيكون مجهجه ... حتى لو قلت ليهو اقعد
بيكون بين قاعد وبين ماشي
يعني روح هنا وروح هنا

اااي قاعد لكن ماشي


مرات الرحيل بيكون صعب لكن لابد منو

ولا رايكم شنو ؟؟؟