منتديات الترتر اون لاين
مرحباً بالزائر الكريم،،،

اذا لم تكن مسجَّلا بعد في منتديات الترتر اون لاين , نرجو اكرامنا بالتسجيل و الانضمام الى أكبر تجمع رقمي لابناء منطقة الترتر على الانترنت.
اذا كنت مسجلا فعلا, ارجو الدخول و عدم حرماننا من رؤية اسمك على قائمة الأعضاء

ولك وافر الشكر و الامتنان

أسرة منتديات الترتر اون لاين


حـــبـــابـــك عشرة يا زائر في منتديات الترتر اون لاين
 
الرئيسيةاليوميةس .و .جبحـثالتسجيلدخول

شاطر | 
 

 قصة خطوبة ظريفة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Ata
المدير العام للمنتدى
المدير العام للمنتدى
avatar

عدد المساهمات : 88
الرتبة : 4
نقاط : 10599
تاريخ التسجيل : 08/06/2009

مُساهمةموضوع: قصة خطوبة ظريفة   الثلاثاء سبتمبر 08, 2009 7:15 pm


قصة خطوبة ظريفة



شاب جامعي خلوق اراد ان يتزوج ...لكن امه العجوز تكفلت له بأن تبحث له عن فتاة تعرفها وتدخل مزاجها لانو ما كل بنت على حد زعمها تصلح لها.... اخوات هذا الشاب ذكروا له زميلتهم في الكلية وهي فتاة رائعة وآية في الجمال والاخلاق واجتماعية بشكل كبير ... ومن كثر ما يتكلمون عنها تعلق قلبه بها وطلب من أخواته ان يكلموها عنه .... بدأ البنات بالحديث لتلك الفتاة عن اخوهم واخلاقه الرائعة ودمه الحفيف وحفاظه على الصلاةيعني ود محترم و م افيهو كلمة.. .... المهم .. البنية المسكينة تعلقت فيه وحبته وتمنت اليوم اللي يجمعها به .... لكن المشكلة انهم من قبيلتين مختلفة وكيف يقنعون الام العجوز بالبنية دي الحلوة ... وبعد مشاورات... وتعرفون النساء وحيلهم وبالذات بنات اليوم دا..

بعد يومين اتصلت البنية المتيمة على اخوات الشاب وقالت: مافي طريق الا اتعرف على امكم شخصيا عشان اخليها تعجب بي و تقتنع بي وهي بنفسها اللي تخطبني له.... قاموا يفكرون كيف تتعرف على امه ؟

جا على بالها انو ابوها وا مها حاجين السنة دي



قالت ايه رايكم تودوا امكم و ابوكم الحج بتاع السنة دي في نفس البعثة الماشين فيها ناس امي و ابوي ... و انا بدوي بقنع اهلي عشان يسوقوني معاهم.....



ومن يومها وهي تنق في ابوها و امها عشان يسوقوها الحج معاهم

قالوا ليها :ماعندنا مانع لانو الحج فريضة على كل مسلم و مسلمة


طبعاً اتكيفت شديد و قالت ليهو انا اقنعت اهلي و سايقني الحج معاهم
باقي الدور عليك عشن تقنع امك للحج

المهم بعد حب و تحنيس الولد اقنع امو عشان تمشي الحج
......
.......
...........

واول ماوصلوا لمكه وهي بتعاين لام الولد في المكان الساكنين فيهو

وكل وقت وكل صلاه وهي جنبها وبالليل تساعدها في القراءة و الدعاء

و اصلو ما قصرت معاها في المراسيل

ولما جاء يوم عرفه مشت لقطت ليها الحجار عشان تفلق ابليس

ولما مشوا يرجموا كانت معاها بكل خطوه من خطواتها...

ولما جاء اخر يوم من ايام الحج وكانوا بيطوفون الوداع البنية المتيمة بقت تسلم على الام و تبكي و تحضنها

و تقول ليها و الله يا خالة انا حبيتك زي امي و سبحان الله ارتحت ليك شديد

و هي تبكي ( طبعاً دموع تماسيح)

هههههههههههه

بعد داك مشوا المطار عشان يرجعوا بلدهم

اها الولد كان منتظر امو بلهفة و مما شافها قعد يسأل في متلهف

قال ليها : أها يا حاجة ان شاء الله ما تعبتي في الحج و كدا

قالت ليهو : الله يا ولدي و الله دا أحسن حج احجو السنة دي

قال :ان شاء الله الناس الكانوا معاك طيبين و كويسين معاك

قالت :والله ماعليهم ناس اجاويد و اصلو ما قصروا معاي

بس و الله ما جاب اخلاقي و قوّم لي الضغط الا بتهم اليوم كلّو مبارياني

بقت لي في حلقي محل ما امشي ماشة معاي

غايتو بت عبيطة زي دي ما لاقتني

الله يعين اهلها و يعين البعرسا

هههههههههههههههههههههههههههههههههههههههههههههههههه هههههه



lol!

------------------------------------- التوقيع ----------------------------
و ما من كاتب إلا سيفنى
و يبقي الدهر ما كتبت يداه
فلا تكتب بخطك غير شيء
يسرك في القيامة أن تراه
الرجوع الى أعلى الصفحة اذهب الى الأسفل
http://altrtronline.ahlamontada.com
 
قصة خطوبة ظريفة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الترتر اون لاين :: القسم الترفيهي :: الراكوبة-
انتقل الى: